S'INTRODUTZIONE Pro bos faghere s'introdutzione prego a tottu sos letores lezide bene cun attenzione ca b'at istrofas de onzi colore Pro sos letores campione e pro sos novizios minores inserideboche in su setore pro connoschere a Toni Carbone Pro bos fagher sa biografia bos la fatto brevemente iscrita bene in poesia Bos la firmo como a su presente eccola inoghe custa firma mia ca non so istadu mai assente ca de poesia so una perenne e sempre nominadu Toni Enne. SU SOLITARIU Povera trista vida mia A bite puntu ti sese ridota Prima ti bundaiada s'allegria E fiss'ispassu de sa zente totta Ma corno ne curres e ne trotas E ne pius cantigos de poesia Totu pro curpa dei cussa gota Chi m'a blocadu tota s'energia Ma cando fia in sa gioventude In s'edade de sos primos annos Paria unu puddedru rude Cando curria pro sos pannos Currinde e brincande che crabolu E mai pensala pro sos dannos Senza tennere perunu oriolu Mi contaia sempre de sos mannos Ca fi cussu su veni consolu Tando cantaia allegramente E m'ispassaia felice e cuntentu E como so in mesu e sos afannos Sempre pensande a su tempus presente Si si diad'arrivare a carch'intentu Como chi semus ancora viventes Mi parede chi cussu tempus est finidu E semus arrivados a fine giogu So acorradu intro de su nidu Senza tennere perunu disaogu. SU FOGU DE SANT'ANTONI DE CANTAREDDU Antoni dae s'alta residentzia Custu rione chi asa riunidu In paghe santa e tanta passenzia Cun custu fogu allutu e acanidu Rione allegru e meda divertidu De zente ona e de bona cussentzia Ca Deus nos l'at cuncedidu E dae Antoni tenimos assistentzia Pro simbulu su fogu l'amos fattu Ca Antoni l'aiat pretesu Ca issu istadu est a contattu Ardentemente l'amos atzesu Fattu s'arrustu in modu esatu E cun binu nieddu 'Olotanesu Pregamos e papamos cun saludu E Sant'Antoni nos diat un'azudu Auguramos como a un'ater'annu De lu fagher pius bellu e pius mannu A tottu naro bonasera e bonapetitu E buffade su inu iscuisitu SU SEGRETU Pro tènnere amore in custa vida bisonzat chi tenzas intellettu, si tue as costoidu unu segretu devet'esser una cosa seppellida. Si tue as una virtude costoida nessunu si nde faghet su cuncettu, si tue sa virtude la mantenes t'inde frigas de chie tenet benes. S'ISTELLA LUMINOSA Ses un'istella lughente e luminosa Cando ti miro di fronte attuale Ses prena de ghirlandas che rosa Comente sas'istellas de Nadale Cuddas bellas ogradas amorosas Chi mi faghes cun sorrisu naturale Comente faghent sas bellas isposas Daghi s'incontrant cun s'isposu ideale Deo puru l'istimo e l'adoro Su matessi sorrisu che li mando Pero deo a s'isguardu mi coloro Ca so timidu e naro e cando e cando Poi fatto coraggiu e m'innamoro E poi a isposa la dimando Prima chi siat tropu tarda s'ora E a mie tottu racumando Abràtzala e fàghela signora E ti naro subitu chi t'amo E cun coro sinceru za ti bramo Amami che ti amo SONETTO PRO SA CHENA IN ONORE DE SU SANTU Est de lampadas sa die vintidrese chi a Santu Zuanne festeggiamos, cando arriva sa data in custu mese tottu allegros sos mios paesanos. Arrivana a grupettos chimbe o sese e cun petta a buddu a tottu consolamos, su inu est cannonau c sangiovese chi faghe bene pro sos anzianos. Sa festa est bene organizzad a che s'orgogliu de tottu su paese de comente l'amos preparada. Ei sa zente accudidi a fìottu, zente educada e zente cortese ei su manigu est blindante pro torto. Tantu sa chena est cibu iscuisitu chi a lu manigare ndc atti gustu, daede a tottu soddisfazione. E poi aumenta s'apetittu, atteru che manigare petta arrustu cun cussos bellos cossotos de anzone. E pro contornu l'amos sa patata e cun d'unu pagu de chibudda s'aunza bene cun su pane infustu, tando sa zente chessidi atatta e binda medas chi si pizzigana cudda chi li servidi pro sa chena e pro s'ustu. Gai sa zente addura cuntenta, tottu felice e bene si assentada. E si Santu Zuanne nos daede sas manos cun preghieras lu rincompensamos. Bolotana 06/06/07 PRO BOLOTANA Bolotana es piazzada in d'una costa e la saludo in forma virtuale pro sos de idda es zona naturale chi sa natura no l'a fatta a posta Sos chi c'arrivan si faghen sa sosta po s'emigrante e su postu ideale sos abitantes de su puntu centrale possedini meda chiù e paghu crosta Sos chi che vivene in custa idda mia suri zente educada e rispettosa chi affrotan sa vida cun coraggiu Zente massicia senza maladia tottu amigos e laboriosa ca nos 'a dadu su giustu dosaggiu OTTAVA S'istirpe de sa zente coraggiosa La possedi custa terra sarda Ca Bolotana nd'est fiera e gagliarda Chi tottu su mundu est'orgogliosa Sas femminas sun de testa carda Ca sun de sa natura virtuosa Bolotana cun sos suos abitantes Che regnana in ponente e in levante SU PAESE MEU BOLOTANA Ses piazzada in mesu e sas montagnas Orgogliosa pro sos tuos abitantes Maestosos eroes che gigantes Ospitales laboriosos in sas campagnas Sos segrctos ch'asa in sas intragnas De nuraghes monumentos importantes De sas cosas antigas vigilantes Ca sun bene custodidas e las istagnas Tenes cheias antigos monumentos Fortezzas muraglias e sorgentes Su monumentu de sos mortos in gherra Ei sa forza cun sos armamentos Chi los rendene ancora pius potentes Chi supera sa flota e gibilterra Ei sos bezzos sun pius cuntentos Chi brillana che s'istella d'oriente Ca sa paghe torrada est in terra sonetto pro Bolotana SU POBERU Su poberu est su ch'istada pius male Ca no ischidi mancu ite chenare E non podede andare a triballare Ca a faghere su mandrone e s'ideale E no ischidi su mediu de leare Ca tantu prestu arrivad su nadale Ma si s'anzone mi dian regalare Dia narrere una missa a Santu Pascale Mudda appo tentu e ne connotu Dae tottu sos mios genitores E poi no appo mai triballadu E gai morzo poberu in su tottu E senza tennere perunu rancore De sos benes chi appo lassadu SU RICCU Su riccu tenede sa vida assigurada Ca tenede un'enorme capitale E faghede sempre sa vida normale Senza pensare a una temporada Sa domo la tenede riparada Senza perigulu de unu temporale Ca cun pedra de granitu est fraigada E cun rena e cimentu a su normale Su inari che lu tenede in sas bancas ben'investidu e cun sos fruttos ca est cussu su chi li da sa resa Poi tenede parizzas tancas cun sas domos ei sos puttos pro passare una bona ezzesa BOS RINGRAZIO PRO SA FESTA DE SU COMPLEANNU Sos augurios chi m'azzis dadu pro mi fagher unu cumprimentu, ma deo appo pensadu a su momentu un'invitu de bos aer preparadu. E cun amore bos appo invitadu de non de lassare unu discuntentu, de bos dare sa turta appo pensadu comente Deus nos da su Sacramentu. E cun felicidade riunidos comente faghe sa famiglia onorada ei sos fizzos sun bene cumpridos de zente ona razza educada ei sos fizzos usana rispettu ei sas mamas siana bramadas. Sos augurios chi azzis dadu a mie su tempus passedas cun felicidade, bona fortuna tenzedas cada die dae sa naschida a s'eternidade. Bolotana 01/03/09 SU DOLORE DE SA DENTE Per Deu santu ite dolore Su chi m'est dande custa dente Sa pastiglia la leo frequente E d'est peus de andare a su dutore E no isco su mediu e comente Chi m'est falande finas su suore Da custu fastidiu puzolente So diventande eo e malumore Si no pensad'issa a si calmare Est facile chi deo m'arrennego De carchi modu l'apo a sistemare Ca leo sa tenaza e che la sego In manera chi mi pota riposare E gai assumancu m'assussego